Երեկ Իսրայելի պաշտպանության բանակի (ԻՊԲ) հետախուզական տվյալների հիման վրա Իսրայելի ռազմաօդային ուժերի (ԻՌՈՒ) տասնյակ կործանիչներն իրականացրել են հարվածներ Իրանի տարածքում գտնվող մի քանի օբյեկտների դեմ։
Գործողության ընթացքում թիրախավորվել են Իրանի անվտանգության մարմիններին պատկանող հրամանատարական կենտրոններ։ Թեհրանում ԻՌՈՒ-ն հարվածներ է հասցրել Իրանի հետախուզության նախարարության և «Բասիջ» կազմակերպության հրամանատարական կենտրոններին։
Բացի այդ, հարվածներ են հասցվել ԱԹՍ-ների, բալիստիկ հրթիռների և ՀՕՊ համակարգերի պահեստավորման և արձակման համար օգտագործվող օբյեկտներին։
Շիրազում թիրախավորվել է ներքին անվտանգության ուժերի հրամանատարական կենտրոնը և բալիստիկ հրթիռների կայանը։ Թավրիզում ոչնչացվել են Իրանի հակաօդային պաշտպանության համակարգերի լրացուցիչ օբյեկտներ։
ԻՊԲ-ն հայտնում է, որ գործողությունը կատարվել է բացառապես ԻՊԲ-ի հետախուզական տվյալների հիման վրա։
